15 hoben cla pa inicia nan carera policial
ORANJESTAD - Cuerpo Policial Aruba ta contento di por anuncia cu a cuminsa un klas nobo di studiantenan di Polis.
15 hoben ta cla pa inicia nan carera policial pa asina haya bon entrenamento y formacion pa bira e futuro polisnan pa Cuerpo Policial Aruba.
Altocomisario interino sr. Robert Candelaria a presenta na scol di polis E.Y. Watty Vos pa asina hiba palabranan di motivacion y duna nan e sosten. Candelaria a elabora su trayectoria y experiencia na e hobennan como tambe e motibo cu e la bira polis y sirbi su Pais.
E hobenan aki lo studia pa MBO nivel 4 y ta carga e nomber di N4-2025. Cuerpo Policial Aruba ta yama bon bini na 14 homber y 1 hende muher cu a dicidi di forma parti di Cuerpo Policial Aruba.