Tur aña riba fecha natalicio di Rey Willem Alexander, e Rey ta otorga condecoracionnan real na ciudadanonan den reino Hulandes. Ta  otorga e condecoracionnan aki na personanan cu banda di nan trabou a haci of ta haciendo algo excepcional por ehempel trabounan caritativo manera yuda otronan sea cu trabou, placa, articulonan di necesidad, organisa eventonan pa recaudacion pa instancianan, entre otro, sin cu nan ta compensa pa esaki. Na Aruba tin un cantidad grandi di persona cu ta eherce trabounan caritativo y boluntario pero hopi biaha esakinan no ta promovi. E ora ta keda na e ciudadano pa propone e personanan aki pa asina nan por haya condecoracion. 

E oportunidad pa nominacion di un persona pa Condecoracion Real 2025 a cuminsa dia 6 di Mei 2024. Pa un ciudadano bin na remarke pa un reconocemento asina, lo mester adheri na cierto rekisitonan. E accento ta en particular riba prestacionnan pa y den comunidad. 

Tin dos categoria; E prome ta cu e persona mester ta eherce trabou boluntario, sin pago pa un periodo di mas of menos 15 aña, y e di dos ta cu e persona mester a haci prestacionnan hopi particular den nan funcion actual. E prestacionnan den tur dos categoria mester ta di un nivel hopi halto, surpasando loke normalmente   di su trabou y mester tin un balor excepcional p’e desaroyo di Aruba. 

Pa entrega un proposicion e persona lo mester yena dos formulario. E formularionann aki ta disponibel pa comunidad henter na Bestuurskantoor na playa y San Nicolas, tur MFA, y online riba e website di Gobierno. Mester yena e formulario detayadamente y firma door di e persona y/of instancia cu ta haci e proposicion. 

Tambe lo por download e formularionan aki:

• Brief bij formulieren Pap. versie;
• Brief bij formulieren Ned. Versie;
• Voorstelformulier Aruba 2025;
• Voorstelformulier Nederland 2025.

Decoratie Comissie Aruba ta enfatisa cu e otorgamento di e condecoracion mester keda un sorpresa pa e persona. No por avisa e persona cu ta bay propone, y e no por ta parti di e proceso tampoco. 

E ultimo dia pa entrega e proposicion ta dia 31 di juli, 2024 pa 4 pm na Bestuurskantoor na Playa. Unabes cu entrega e e proposicion e comision di Aruba lo repas’e pa pa wak si a cumpli cu tur rekisito, pa despues mand’e pa Hulanda pa eynan nan tuma e decision defintivo. Lo no trata  proposicion entrega despues di e fecha aki.