TPEF: Maneho di desperdicio na costa
ORANJESTAD – Dia 19 di juni 2023, Minister di Turismo y Salud Publico, Dangui Oduber a anuncia cu Tourism Product Enhancement Fund (TPEF) a cumpra 100 bari di sushi cu lo pone na nos costa.
Fondo di TPEF aloca pa medio ambiente a financia e barinan. Serlimar lo distribui e barinan na 10 sitio entre Arashi y Baby Beach y recohe e sushi, mientras 10 ploeg di TPEF lo mantene nos costa y beachnan limpi.TPEF a keda funda na aña 2010, e ta un fondo establece cu e proposito pa inverti den proyecto cu ta contribui na mehoracion di e producto turistico di Aruba.
Ta sumamente importante pa mantene nos beachnan limpi y brinda un miho producto na nos bishitante- y localnan por disfruta hunto cu nan famia.
Gobierno ta gradici TPEF, DOW y Serlimar pa nan bon colaboracion den e proyecto aki cu ta necesario pa mantene nos beachnan limpi.