Esaki den cuadro di nan estudio policial nan mester a pasa den un ehercicio pisa pa con pa atende cu stress den diferente situacion.

Despues di 4 aña di estudio policial e ta un di e ehercicio nan cu nan mester pasa den dje prome cu nan finalisa nan estudio. E SKGO-training ta uno di sumo importancia pa e coleganan.

Durante e curso aki polisnan a haya un parti hopi importante pa desaroyo profesional den nan trayectoria. Durante e curso e agentenan a haya diferente tecnica con pa siña baha e stress,  tambe e parti mehora e comunicacion y cooperacion.

E training aki a dura dos siman y duna pa e docentenan di Scol di Polis E.J. Watty Vos.
E trainingnan a tuma lugar den bon cooperacion cu otro na Marinierskazerne Savaneta.

Na final di e training Altocomisario di Polis drs. Ramon Arnhem conhuntamente cu e docentenan di Scol di Polis E.J. Watty Vos, studiantenan di klas 2021 y Cuerpo di Bombero a yama studiantenan di klas 2019 un calurso bon bini despues di a core mas cu 5km y a duna nan un pabien pa finalisa e curso cu exito!

Asina tambe nan a finalisa nan estudio policial cu exito y lo ta bon prepara pa duna servicio riba un calidad halto.