A duna training na profesionalnan den e cadena di enseñansa y cuido.

Salud mental ta hopi importante pa Gobierno, pa cual a ehecuta diferente proyecto y un di e proyectonan cu a demostra su balor agrega, ta e eliminacion di e lista di espera pa loke ta cuido di salud mental pa adulto y mucha. Hunto cu PAHO, a percura pa diseña un roadmap caminda te cu 2023 lo duna atencion na diferente aspecto di salud mental.

Manera ta conoci, e stuurgroep GGZ ta reuni cada dos siman y atende cu tur aspecto cu ta toca e parti di legislacion, cuido specifico cu mester duna, maneho, pero tambe e parti financiero y di inversion cu ta necesario. Algun siman atras, 12 persona a gradua como mental health professional, y di e forma aki ta percura pa e cuido bira mucho mas accesibel.

Recientemente e sector di cuido a haya diferente tools pa señala y identifica ora un persona ta sufri di salud mental, pa asina e persona por haya ayudo mas lihe posibel.

Dialuna y diamars a duna e mesun curso na e veld di enseñansa y fin di luna lo duna un otro curso na e cadena hudicial. Di e forma aki, ta aloca fondo necesario pa atende cu e tema di salud mental.

Gobierno ta gradici PAHO cu a asisti cu e proyecto aki y ofrece e workshop.