E relacion fuerte ta esencial pa e prosperidad di Reino Hulandes, y pa nos como isla Caribense cu ta depende fuertemente riba e economia Norte Americano.

Rey Willem-Alexander y Reina Máxima lo bishita e estadonan Mericano di Georgia y New York for di dialuna 10 te cu 13 di juni. Na Georgia nan lo bishita e ciudad Atlanta y Savannah, y na New York nan lo bishita ciudad Albany y New York City.

Paralel na e bishita di trabou di e pareha Real, un delegacion di CEO di VNO-NCW lo forma parti di e biahe y lo tin un mision di comercial di RIVM. Durante e bishita na estado Georgia, e pareha Real lo ser acompaña pa minister di Infrastructura y Maneho di awa (Infrastructuur en Waterstaat) Harbers y na estado New York pa minister pa Comercio Exterior y Cooperacion pa desaroyo (Buitenlandse Handel en Ontwikkelingssamenwerking) Schreinemacher. Minister Geoffrey Wever di Asunto Economico, Comunicacion y Desaroyo Sostenibel, hunto cu minister Cijntje di Desaroyo Economico di Corsou tambe lo forma parti den e bishita aki.

E bishita aki ta subraya e relacion bilateral fuerte entre Reino Hulandes y Merca y e relacion economico importante cu e estadonan di Georgia y New York. Georgia na e momento aki ta di nuebe partner Mericano comercial mas grandi di Hulanda y ta desaroyando fuertemente. New York ta importante pa Hulanda, mescos cu California y Texas, ora cu ta yega na interes di comercio y inversion.