Mei 2024 a cera cu un tendencia di crecemento y demanda grandi pa bishita Aruba.

Mei 2024 Aruba a yama 111.180 bishitante bon bini, cu ta 16.6% den crecemento. E prome 5 lunanan di 2024 (Jan-Mei 2024) Aruba a registra un crecemento di 18.7% vs e prome 5 lunanan di aña 2023 cu porcierto tawata e miho aña den historia di turismo pa pais Aruba.

Nos mercado principal cu ta e mercado Americano a registra un crecemento di 17% e prome 5 lunanan di 2024 compara cu 2023.
Turistanan ta satisfecho cu Aruba y ta clasifica e “Guest Experience” cu un 9.0. E categoria cu a clasifica mas halto, ta ambiente cu 9.4.
Durante e prome kwartaal di 2024, turistanan a gasta un averahe di $666 cada un. Esaki ta midi for di nan credit card di Visa cu a suma un total di $185.095.875 gasta den economia di Aruba.

Durante e prome 5 lunanan di 2024, 31% di turista stayover a hospeda na un vacation rental. Esaki ta motibo pa regula e sector aki mas pronto cu ta posibel.

Ministerio di Turismo ta satisfecho cu Aruba ta keda un destinacion cu demanda halto den Caribe y cu e maneho ta dunando su fruto.