Kico haci durante y despues cu un caba di pasa? Edicion 3

ORANJESTAD - Esnan cu sigui e consehonan duna pa Departamento di Salud Publico den colaboracion cu Bureau Rampenbestrijding riba preparacion pa temporada di horcan stap pa stap, por ta sigur di lo ta miho prepara cu es cu no prepara.

Mas cerca un horcan ta yegando, mas y mas nos lo cuminsa scucha, mira, tende y sinti su efectonan.  

Durante pasada di un horcanta importante pa:

  • Permanece paden den e   asigna pa pasa durante horcan;
  • scucha y sigui e instancianan oficial manera Bureau Rampenbestrijding of Gobierno pa noticia verídico;
  • den caso cu mester bandona cas pa cuestion di siguridad, haci esaki hunto pa un luga mas cerca posibel, manera cerca un bisiña of un famia cu ta biba cerca;
  • corda hiba e tas di emergencia semper tur caminda unda cu e famia bay.

Net despues di un horcan:

  • Keda informa door di sigui informacion duna pa instancianan concerni;
  • evita subi auto y mobilisa riba caretera si no ta necesario, specialmente unda tin caminda of edificio inunda;
  • duna prome auxilio na es cu por tin mester di esaki;
  • cana cu cautela rond di cas y inspecciona si tin tubo di gas, meter di awa of waya di coriente cu por a kibra. Cera of desconecta esakinan si por;
  • percura prome pa bo mes y bo famia ta ‘safe’ despues por yuda esnan den cercania cu por ta mester ayudo. Den caso di EMERGENCIA yama 911 of 100.

Dianan cu ta sigui despues di horcan:

Despues di pasada di un horcan e proceso di restauracion ta cuminsa, restauracion di no unicamente lokual ta material, pero tambe restauracion emocional.

Pa hopi, experencia un horcan por ta un acontecimento traumatico of tristo pa cual motibo ta importante pa scucha otro y brinda un schouder pa yora y desahoga ora ta necesario.

Pa lokual ta restauracion di propiedad y vivienda, sea cuidadoso na momento di haci limpiesa paden y pafo di cas. Deshaci di tur alimento cu por ta presenta un peligro pa salud di bo mes y bo famia manera cuminda cu a muha cu awa di yobida of cu a ‘defrost’.

Tambe kita for di den caminda materialnan kibra y peligroso manera glas, palo y otro.

E dianan despues di pasada di un horcan, por ta dianan dificil, yena di angustia y insiguridad. E miho conseho ta pa busca refugio, consuelo y sosten cerca famianan cercano.

Pa mas informacion like nos Facebook page Directie Volksgezondheid DVG Aruba, Follow nos riba Instagram directie_volksgezondheid_aruba, subi nos website www.dvg.aw, yama nos na 5224200 of mail nos na servicio@dvg.aw.

Foto