Export Week ta tuma luga dialuna 3 di juli te cu diabierna 7 di juli, na oficina di DEACI situa na L.G. Smith Boulevard #160 Sun Plaza Building Piso 2. Export Week ta di 9’or di mainta pa 12’or di merdia y lo dun'e duna na Papiamento y Ingles. Participacion ta gratis pero ta rekeri registracion. Por registra via https://cutt.ly/ExportWeek2023

Export Week 2023: ‘Conquering New Horizons’

Export Week 2023 ta organisa pa entrepreneur y comerciante local. Durante Export Week, e participantenan lo ricibi informacion tocante e ultimo tendencia di ‘E-commerce’, ‘Free Artificial Intelligence (AI) tools’ manera ‘ads creation’ y ‘content writing’; ‘digital assets latest trends’; con AI por yuda bo adapta of crea un modelo comercial nobo; con pa distingui entre un bon y un mal oferta di producto; e canal adecua pa yega na bo usuarionan final; con pa organisa evenemento digital cu un sistema di pago cu no ta uza placa efectivo; ‘blockchain’; e futuro di pago digital; bienes digital/NFT y mucho mas!

​Tambe tur participante ta haya e oportunidad unico di por bin cu nan laptop pa asina experiencia pa nan mes con ta traha cu ‘AI tools’ cu ta completamente gratis.

Orador local y internacional

E oradornan local ta sr. Edjean Semeleer di Go Cultura, sr. Jorge Zarraga di JZ Marketing & Communications, sr. Fred de Jong di Reconnoitre, sr. Marlon Kock di Aruba Bank, sr. Germille Geerman y sr. Ruben Metevosyan di MATEVO Multiverse.

E oradornan internacional ta sr. David B. Levy Maduro di CX Pay y sr. Wessel Mol di Holland House Colombia.

Pa mas informacion di Export Week 2023: ‘Conquering New Horizons’, por tuma contacto cu sra. Sharon Meijer via: s.meijer@deaci.aw.