Mester entrega e formulario di “Arbeidsmarktregistratie” (AMR) na e departamento di Arbeidsregistratie di DPL cu ta brinda otro departamento di DPL informacion valioso di e mercado laboral. Ta trata di informacion manera; necesidad y cantidad di personal, cantidad di funcion existente y necesario etc.

Ultimo tempo departamento AMR ta hayando asina hopi peticion pa cita y entrega cu a pone cu AMR su citanan a bira mas aleu. Pa atende cu e necesidad di entrega mas responsabel y eficiente, DPL ta bin cu un campaña den juni 2023 pa asina ricibi y procesa mas hopi peticion posibel entre 12 di juni 2023 y 30 di juni 2023.

Departamento di Arbeidsmarktregistratie ta pidi encarecidamente pa tene e siguiente puntonan aki na consideracion pa asina nos por garantisa un servicio optimal y efectivo:

• Entrega AMR entre 12 y 30 di juni 2023 sin haci un cita online (walk in);
• Orario pa entrega na DPL ta di 8:00 am - 11:30 am y 1:30 pm - 3:30 pm;
• Esnan cu cita por presenta entre e fechanan ariba menciona libremente;
• Mester cumpli cu tur rekisito stipula conforme e checklist di cada formulario AMR 2023;
• Mester presenta cu un copia di bo checklist pa asina DPL stempel “voor ontvangst” si acaso  a cumpli cu tur rekisito;
• Mester entrega tur formulario di AMR 2023 yena digital (getypt) pa por aceptanan;
• Tur documento (file completo) mester ta firma (no paraaf) cu pen blauw;
• Ta importante pa e persona autorisa cu ta bin entrega e AMR 2023 presenta cu un identificacion (ID) valido pa por registra na balie di DPL.

DPL kier a invita tur dunado di trabao cu ainda no a entrega of cu ainda no tin un cita haci na AMR, pa haci bon uzo di e oportunidad aki.