E lunanan aki ta considera temporada di horcan debi na e cantidad grandi di tormentanan cu den e lunanan aki ta forma den Oceano Antlantico y cu ta dirigi nan mes pa region di Caribe.

Pa por sobrevivi un horcan ta hopi importante pa cada individuo conhuntamente cu su famia ta bon prepara prome cu yegada di un horcan y sa kico pa haci durante y despues di horcan.

Apesar di e tempo moderno cu nos ta bibando aden unda cu pa medio di tecnologia por premira cu exactitud ki dia y na cua momento un horcan ta yegando un isla. No ta consehabel pa warda te ora cu e momento ta cerca pa cuminsa prepara. Si haci esaki, e posibilidad ta grandi cu bo lo no por prepara debidamente debi na e cantidad grandi di preparacioncu ta necesario. Den un situacion di horcan hopi persona lo por drenta den panico y no por tuma e miho decisionan. P’esey laga nos prepara cu anticipacion.

Desde 1 di juni, cuminsa cu:

• Cana rond di cas, den cura y deshaci di metarial no necesario cu por bula bay y causa peliger pa bo famia of tambe bisindario. Materialnan cu ta necesario, warda esakinan un caminda cu nan no por bula bay of wanta  nan di un forma pa evita cu nan por bula bay.
• tira un bista riba dak di cas pa shingles, ziem of cualkier material riba dak cu por ta los, drecha esakinan. Si bo sa cu bo dak ta lek awa, drecha esaki lo miho posibel.
• Programa den telefon di cada miembro di famia numbernan di emergencia manera 911 Emergencia- 100 Polis y numbernan di miembronan di famia cercano manera mama, tata, ruman, tanta, omo, wela, welo, suegra y suegro. Den caso di un horcan e numbernan di emergencia lo ta hopi ocupa pa cual motibo famianan cercano lo por yuda otro hopi mas lihe.

Pa mas informacion like Facebook page Directie Volksgezondheid DVG Aruba, follow nanriba Instagram directie_volksgezondheid_aruba, subi website www.dvg.aw, yama nos na 5224200 of manda mail na servicio@dvg.aw.