E tema e aña aki ta Planeta Oceano: e marea ta cambiandio. Nacionnan Uni (UN) a organisa un evento virtual cu lo pasa riba e dia aki for di centro di UN. Directie Natuur en Milieu (DNM) ta invita comunidad pa sigui e livestream pa haya sa kico tur por haci pa e reto y potencial di e oceano. Por sigui e livestream 8 di juni, 2023 for di 10'or di mainta te 1:30'or di atardi via www.UNworldoceansday.org of via UN Web tv.

Nacionnan Uni a uni forsa cu stakeholders pa asina yega na e decision pa pone e oceano na prome lugar. E oceano ta cubri mayoria di e planeta y ta solamente un parti chikito humanidad a explora.

Ban pone oceano na prome lugar:

• Aruba su economia ta depende principalmente di turismo y e oceano tin un rol vital pa atrae turista. Aruba su beachnan y lama ta bunita, e awa ta transparente, e bida marino y su accesibilidad ta atraccion pa turista. DNM ta promove World Oceans Day y ta comprometi pa preserva y proteha bida marino cu ta contribui na turismo sostenibel.
• biodiversidad marino; lama ta cas pa un cantidad di especie y tin un ecosistema diverso manera e rifnan di coral, yerba di lama y mata di mangel. E ecosistemanan aki ta forma habitat pa diferente sorto di pisca y otro organismo pero tambe riba tera ta forma habitat pa parha. Riba e dia aki ta enfatisa riba e necesidad di pa hunto cu Fundacion Parke Nacional (FPNA) nos yuda conserva e Marine Protected Areas di Aruba.
• resiliencia di cambio di clima; cambio di clima y e impacto asocia cu esaki ta ehempel di cambio den nivel di lama y temperatura den oceano cu ta impacta bida marino. Protehando e oceano y e ecosistema ta contribui na resiliencia di nos costanan.
• pesca sostenibel; Practica di pesca cu ta sostenibel ta crucial den termino largo. Dia Mundial di Oceano ta sirbi pa promove practica di pesca responsabel y ta importante mantene populacion di pisca na un nivel sano.
• polucion di plastic den oceano: Polucion di plastic ta un tema urgente mundialmente y Aruba su lama tambe tin e problema di microplastics.
  Ta encurasha gobierno, comunidad y comercio pa tuma accion pa reduci desperdicio di plastic, por medio di promove reciclahe y preveni uzo di single-use plastic.

Pa mas informacion bishita pagina di Facebook di DNM Aruba.