Cuerpo di Aduana ta conta cu 15 aduanero nobo cu a pasa e curso di 'kommies der invoerrechten en accijnzen'

ORANJESTAD - Riba 24 di maart 2023, Minister di Finansa, Xiomara Maduro tabata presente na e ceremonia di graduacion di 15 Aduanero cu a caba e curso ‘Kommies der Invoerrechten en Accijnzen’. Un curso modernisa pa e grupo di Aduaneronan cu a cuminsa na aña 2021.

E curso aki no tabata facil ya cu durante 16 luna, nan mester a studia y traha pareu pa siña y cera conoci cu e trabounan di Aduana bou di guia di Aduaneronan experiencia. 'Cursista, cada un di boso mester ta orguyoso di e certificado cu boso a ricibi, pasobra esaki no ta solamente un muestra cu boso a caba e curso, sino tambe muestra di disciplina, perseverancia, sacrificio y esfuerso cu boso a haci,' ta palabranan cu Minister di Finansa a trece dilanti den su discurso.

Cuerpo di Aduana tin 15 Aduanero nobo. Mirando cu economia di Pais Aruba ta recuperando y tin mas inversion y cune mas importacion, ta pone cu Cuerpo di Aduana tambe mester ta miho prepara pa e trabounan diario di Aduana.  

Na nomber di Gobierno di Aruba, Minister Maduro di Finansa ta felicita:

  • Jean Britus;
  • Joskermin Comas Andujar;
  • Boutros Frangie;
  • Billiardo Galvis Lozano;
  • Le-Andro Kock;
  • Eileen Koolman;
  • Roland Lacle;
  • Kay-Shaun van der Linde;
  • Anthony Rasmijn;
  • Lishenco Scholtz;
  • Ariathne Tromp;
  • Cathline Wernet.

Un pabien special ta bay na e miho graduadonan:

  • July Saenz Marin;
  • Victor Fingal;
  • Jeanny (Shani) Binda.