E relato aki ta indica tur e tareanan haci na 2022 pa CMMA pa combati traficacion di hende. Prome Minister a indica cu lamentablemente na Aruba tambe ta existi riesgonan pa loke ta trata traficacion di hende, y p’esey lo traha di cerca cu CMMA na purba combati esaki.

Prome Minister a enfatisa tambe cu ta sumamente importante pa keda mantene comunidad informa riba e tema aki. Pa cu esaki CMMA a orgainsa un campaña di conscientisacion cu yama "Habri Wowo" den october, cu ta luna nacional contra traficacion di hende, pa asina pone enfasis riba con importante e ta pa comunidad keda alerta riba situacionnan asina. Si na un momento of otro por nota cu tin un situacion na unda un persona a bin traha na Aruba pero e persona no tin e libertad pa tuma decisionnan riba su mes, of no tin su paspoort den su posicion, of no por sali libremente, esaki por ta un caso di mensenhandel y mensensmokkel. Den un caso asina ta importante pa notifica CMMA di e situacion pa asina nan por tuma accion.

E relato lo ta pronto disponibel na Ingles y Hulandes, riba e website www.cmmaruba.com.  

CMMA ta pidi comunidad, pa keda alerta pa situacionan asina y si por nota cu algo no ta bon, por libremente contact CMMA via e-mail, info@cmmaruba.com of yama 24/7 riba +297 592323, oficina: +297 5975223, di dialuna pa diabierna 9.00 tot 17.00 uur pa asina nan por actua debidamente.