Despues di un investigacion cu a inicia 7 aña pasa riba e origen di Aruba su Carnaval, sr. van der Hans a finalisa su dos bukinan. E dos bukinan ta contene un coleccion grandi di potret y historia di nos carnaval di e.o. grupo-, participante-, eleccion-, parada-, musica, banda-, mirones y asina por keda menciona, miles di diferente potret y informacion.

E publicacion aki pronto lo ta disponibel pa publico. Un invitacion na un y tur cu ta stima nos Carnaval pa no keda sin inclui e bukinan aki den nan coleccion. Esaki ta un documentacion historico importante cu ta conta e historia di nos Carnaval, cual ta un enrikecemento di e herencia cultural di Aruba.