CEA a bishita mas di 30 cas riba prome dia di cobra boet
ORANJESTAD - Ministerio Publico a cuminsa riba 12 di juni 2023 cu cobramento activo di debe di boet.
The content has finished loading
ORANJESTAD - Ministerio Publico a cuminsa riba 12 di juni 2023 cu cobramento activo di debe di boet.
Dos team di CEA (Cuerpo Especial Aruba) a subi caya awemainta tempran pa bishita hende na cas cu tin debe di
boet y pa cobra e boetnan aki. CEA a bishita mas cu 30 adres awe, tanto pariba como pabao di brug.
Un total di tres persona a keda deteni. Mayoria di hende a paga mes ora cu nan a haya CEA para na nan porta.
E accion lo continua henter e siman aki. CEA lo sigui bishita personanan cu debe di boet.
Tur hende cu no paga nan boet of no paga nan boet por completo, lo detene y transporta pa KIA pa sinta e dianan di detencion (vervangende hechtenis) pa cual Huez a condena nan ora el a duna nan boet.
Ministerio Publico ta haci atrobe un yamada urgente na personanan cu debe di boet:
Cu excepcion di diabierna ora OM ta habri te 12.00’or di merdia. Dus riba diamars, diaranson y diahuebs bo persona por acudi na OM durante lunch tambe.
NO TIN MESTER DI HACI AFSPRAAK, bo persona por gewoon cana drenta.