CBS Aruba a ricibi Special Achievement in GIS Award!

18-07-2023, 16:26

ORANJESTAD - Centraal Bureau Statistiek Aruba (CBS) a ricibi e premio ganado di “Special Achievement in GIS Award 2023” duna door di Environmental Systems Research Institute, Inc (Esri).

Esri ta un compania global cu ta lider den software di informacion geografico, e asina yama "Geographic Information System ”. GIS ta un sistema cu ta crea mapa cu diferente informacion añadi na esaki.

Dia 10 di juli 2023, Jack Dangermond, Presidente y fundado di Esri, a anuncia e ganadonan di e “Special Achievement in GIS Award” durante e Esri User Conference na San Diego.

Centraal Bureau Statistiek Aruba y a ricibi e Special Achievement in GIS Award door di a uza e sistema GIS pa facilita e preparacion di ehecucion di e “Population and Housing Census 2020” y publicacion di e resultadonan.

Sr. Randy van der Biezen y Sr. Richard Werleman di CBS a atende e User Conference di Esri na San Diego y a ricibi e premio pa CBS Aruba.

Gobierno di Aruba ta felicita henter e ekipo profesional di CBS cu e bunita logro aki!

Foto

Comparti

Comparti e pagina aki riba LinkedIn Comparti e pagina aki riba Twitter Comparti e pagina aki riba Facebook Comparti e pagina aki riba WhatsApp Print e pagina aki Mail e URL for di e pagina aki: CBS Aruba a ricibi Special Achievement in GIS Award!