Bo mascota ta parti di bo famia, no lag’e bandona durante of despues di un horcan - Edicion 4
ORANJESTAD - Durante e dianan di preparacion pa horcan caminda cada hogar ta prepara lo mihor posibel pa mantene su famia sigur, y ta importante pa no lubida riba nos mascota.
Algun tips pa proteha bo mascota contra cantidad grandi di awa y biento fuerte di horcan:
- Prepara un espacio confortabel pa bo mascota cu ta dun’e proteccion contra awa y biento fuerte. Si e mascota por ta paden di cas cerca di famia esaki lo ta hopi bon, y lo yuda mantene e mascota trankilo;
- percura pa den e espacio tin awa, cuminda y obheto preferi di bo mascota;
- percura pa tin den stock suficiente cuminda y awa pa e mascota pa por lo menos 7 dia;
- acumula materialnecesario pa mantene higiena di bo mascota durante e dia of oranan cu e ta den cas. Material manera corant bieu, saco di sushi, pads pa vloer y mas;
- si durante of despues di horcan bo famia mester evacua, hiba bo mascota cu bo no lag’e atras.
Pa mas informacion like nos Facebook page Directie Volksgezondheid DVG Aruba, Follow nos riba Instagram directie_volksgezondheid_aruba, subi nos website www.dvg.aw, yama nos na 5224200 of mail nos na servicio@dvg.aw