Weganan Escolar (WE) 2024 a cuminsa dia 1 di juni y ta termina dia 15 di juni 2024 na Joe Laveist Sport Park na San Nicolas.

WE Aruba ta un proyecto di Ministerio di Enseñansa y Deporte y IBISA cu e meta pa
promove deporte bou di e alumnonan di scol preparatorio, basico y secundario cu lo competi
den diferente disciplina manera futbol, volleyball, beach tennis, badminton, “kids athletics”,
WE Baile y e aña aki a introduci un deporte nobo, WE Mente. Weganan Escolar 2024 ta conta cu participacion di mas di 1000 alumno di 42 scol; 14 scol preparatorio, 20 scol basico y 8 scol secundario. Weganan Escolar ta fomenta abilidad y oportunidad pa nos muchanan y hobennan. Deporte ta trece union den e scolnan entre e alumnonan y desaroya nan nivel motorico, habilidad di traha den ekipo y nan sentido competitivo.  

Gobierno ta gradici Ministerio di Deporte, IBISA, Lotto pa Deporte, y tur esnan cu a haci e evento grandi aki posibel. Ademas ta invita pueblo di Aruba pa duna sosten na e muchanan y hobennan durante e dos simannan di competencia.