Durante e 2 dianan di workshop, empleadonan di comunicacion den salud publico y specialistanan di promocion di salud a uza diferente metodo cu simulacion di casonan. Esaki tabata pa practica e proceso di asisti conocemento, crea capacidad y plan strategico pa intervencion pa structura “infodemic insight reports”.

Un infodemic manager ta crea raportahe infodemico di conocemento pa yuda autoridadnan di salud identifica preocupacionnan, identifica falta di informacion y desinformacion riba topico di salud. E serie di “infodemic management” ta delinea e pasonan y desaroya un raportahe infodemico di conocemento. E reunion a duna oportunidad pa cada pais presenta ehempel di metodo cu lo por crea prevencion y minimalisa e factornan di riesgo na nan pais haciendo uzo di e framework aki.

Dr. Mark Sami, Director di Servicio Corporativo di CARPHA, a enfoca riba e obhetivo di e reunion. E obhetivo principal ta pa paisnan apoya fortalecemento di comunicacion di riesgonan y pa engrandece cada pais su abilidad pa crea maneho di infodemics. Paisnan di Reino Hulandes den Caribe, Aruba, Corsou, Sint Eustatius, Surinam y Sint Maarten a manda nan represetante di Salud Publico cu por a comparti nan experiencia y crea un grupo pa traha mas di cerca den futuro.

Sra. Dahariana Evertsz di seccion Promocion di Salud di Departamento di Salud Publico (DVG) a representa Aruba y duna aporte pa elabora con e plan nacional multisectoral ta guia e strategia den prevencion bou di Ministerio di Salud Publico.

Ministerio di Salud Publico ta pone enfasis riba e importancia di crea un red di comunicacion caminda cada organisacion den salud publico ta colabora y crea conscientisacion den nos comunidad. E ministerio  lo sigui cu e tarea importante den area di prevencion pa yuda nos comunidad mehora su nivel di salud y estilo di bida.