World Explorer Cruise ta haci su prome bishita na Aruba

Pa celebra e bishita y un meta importante pa e industria crucero local, a conta cu un ceremonia di intercambio di plakkaat abordo di e yate. Esaki como un simbolo di un caluroso bon bini na World Explorer y su tripulacion.

Durante di e ceremonia por a conta cu presencia di Capitan Adrian Medina, hunto cu e ekipo di tripulacion di e crucero, Marc Figaroa CEO di Aruba Ports Authority, Mario Arends Chief Commercial Officer di Aruba Ports Authority, Monica Bos Cruise Manager di Aruba Tourism Authority, y representantenan di Port Agency Maduro & Sons.

World Explorer,  ta conoci pa ofrece di exibicion luhoso na algun di e destinacionnan mas espectacular di mundo. E crucero ta diseña pa huespednan cu ta busca un experencia inolvidabel y den naturalesa. Cu un capacidad pa dos shen huesped, World Explorer ta provee un ambiente intimo y luhoso, cu comodidadnan moderno cu ta inclui un centro di fitness, plataforma di observacion, y restaurant di clase ‘fine dining’.

Normalmente, World Explorer ta nabega na destinacionnan manera Antartico, Arctic y otro lugarnan fuera di e ruta comun, caminda huespednan tin e oportunidad pa explora e medio ambiente, fauna, y paisahe di e pais a traves di excursion guia y charla dirigi pa expertonan den e area. E yate ta ekipa cu sistema di nabegacion avansa y tin e habilidad pa nabega den awanan cu desafio, mientras ta mantene un nivel halto di comfortablidad pa su huespednan.

E intercambio di placa ta un tradicion maritimo cu ta simbolisa bon intencion y cooperacion. E ceremonia di bishita inicial aki ta destaca e esfuersonan continuo di Aruba pa diversifica su ofertenan di turismo pa keda atrae lineanan di crucero luhoso y di primera calidad.

E yegada recien di e yate crucero luhoso World Explorer, cu un capacidad intimo y cu un enfoke ambiental responsabel ta alinea perfectamente cu e vision di Aruba. Aruba ta comprometi pa atrae un turismo High Value - Low Impact, cu ta un turismo di balor halto y cu menos impacto.