DAECI a duna 230 permiso pa negoshi nobo den segundo kwartaal 2024
ORANJESTAD- Departamento di Asunto Economico, Comercio y Industria (DAECI) a ricibi den e periodo di juli te cu september 2024 549 diferente tipo di peticion.
Di e 549 peticion ricibi, 218 peticion a trata y otorga e permiso relevante, 170 peticion ta den tramite, 161 peticion no por a trata pa falta di documento of pago.
Di e 549 peticion ricibi y e permiso relevante otorga, 230 ta peticion pa permiso nobo den e periodo di juli te cu september 2024. Di e 230 permiso di negoshi nobo otorga, 21 tawata pa e eenmanszaak, 13 pa filiaal, 171 pa Vennootschap met Beperkte Aansprakelijkheid (VBA), y 4 pa un vennoot di un Vennootschap onder Firma (VOF). E tipo di actividad comercial pa cual mas permiso nobo a otorga ta “actividadnan di real estate, houdstermaaschappij, “bouw- en constructiebedrijven”, “koffiehuis-restaurant-café- en andere eetgelegenheden” y “schoonheid, massage en kapsalon”.
Na october 2022 Ministerio di Asunto Economico, Comunicacion y Desaroyo Sostenibel a introduci e vestigingsbeleid nobo, cu entre otro e meta pa acelera e proceso di otorgamentodi permiso dor di elimina diferente rekisito, digitalisa full e sistema di peticion di permiso y stimula e promising sectors, inversion den centro di Oranjestad y San Nicolas etc. Meta di e vestigingsbeleid nobo ta tambe pa emiti permiso den un periodo di dos siman.
Pa cuminsa un negoshi of haci cambio den e permiso pa negoshi segun ley, mester haci un peticion digital pa permiso di negoshi na Departamento di Asuntonan Economico, Comercio y Industria (DAECI) y ta otorga bou di responsabilidad di Ministerio di Asuntonan Economico.
Minister di Asunto Economico, Comunicacion y Desaroyo Sostenibel Geoffrey Wever ta gradici DAECI pa percura emiti e permisonan pa negoshi na forma eficiente y liher y tambe pa compila na un forma continuo tur informacion riba e proceso di permiso pa negoshi.